بحث مخصص

الاقسام

حكاية زواج محمد فؤاد


بسم الله الرحمن الرحيم .
يا جماعة انا النهاردة هحكيلكوا على قصة حب و جواز محمد فؤاد علشان نعرف القلب الطيب لما بيحب بيحب ازاى؟
ابتدت القصة فى بداية مشوار محمد فؤاد قبل شريط حبينا بالظبط.
كان فى فرح واحد من الحتة الى كان ساكن فيها فؤاد زمان و طلب من فؤاد انه يغنيله فى فرحه وطبعا فؤاد وافق وراح الفرح ولما بدا الغناء بيقول انه شاف واحدة مقدرش ينزل عينه من عليها وبيقول كنت حاسس ان انا وقلبى بنغنيلها واعد يحاول يبصلها علشان يحاول يلفت نظرها بس كانت مكسوفة و بعد الفرح طلع فؤش جرى على برة علشان يلحقها بس للاسف ملقهاش و كانت مشيت. و الفرح كان قاعة القوات الجوية فى القاهرة ..و كان هيتجنن علشان يحاول يعرف اى حاجة عنها بس معرفش و كان حزين جدا و ..و بعديها بفترة راح يحيى فرح فى نفس القاعة و لقاها! و اعد يغنيلها و بعد الفرح طلع جرى وراها اوال كلمة قالهالها (ممكن اقابل بابا)طبعا هيا اتكسفت ومشيت بس المرة دى عرف هيا مين .و طلعت ان دى واحدة محمد فؤاد عارف اهلها ووالدها و كانوا جيران و كلم محمد فؤاد والده بس كان فؤش خايف اوى علشان انه بقى مطرب و كدة ممكن يفكروه انه اتغير لكن والده فؤش قالتله ان والدها عارفك كويس و عارف انك بتتغير للاحسن.وراح فؤش وطلب ايديها واول ما كانوا بيتفقوا على القاعة هما الاتنين قالو قاعة القوات الجوية و يا جماعة يوم الفرح دة ميتوصفش لان الصحف كتبت انه فرح محمد فؤاد اليوم وكتبوا هيبقى فين و طبعا كلنا اتفرجنا على الصور...فى حوالى سبعين الف راحوا بس معرفوش يدخلوا الا اعداد معينه و زى ما شفتوا فى الصور كان فى مطربين وممثلين مش لاقيين مكان واقعدين على الكوشة و كان فرح هايل .و فى لقاء صحفى بعد كدة ايه اكتر موقف خلاك مبسوط جدا قال فى فرحى جالى شاب بسيط جدا و لابس بدلة بسيطة و جايب بوكيه ورد وبيقولى مبروك بس من قلبه و كنت ساعتها هعيط .....حتى فى حبه و فى جوازه عسل

ليست هناك تعليقات:

الاقسام

محمد فؤاد 2010